ٽٻوهين جي ڍنڍ: ڪنهن وقت ۾ هيءَ ڍنڍ موجوده تعلقي ساماري ۾ موجود هئي . هن وقت ٽٻوهي تعلقي ساماري جي هڪ ديهه آهي . هڪ روايت موجب اتي ٽٻوهي نالي هڪ شهر آباد هو . جيڪو هينئر بلڪل زمين دوز ٿي چڪو آهي . هن شهر جا آثار ڪيترن ئي ايڪڙن ۾ ڏسڻ ۾ ايندا هئا ، اتي اڄ به سڪا ملن ٿا . موجوده شهر سامارو روڊ ٽٻوهي جي آثارن تي ٻڌل آهي ۽ پاسي ۾ ئي ڏکڻ طرف ميل کن جھڪاڻ موجود آهي . جنهن ۾ برساتن جي موسم ۾ ڪافي عرصو پاڻي رهي ٿو . مقامي ماڻهو ان کي ٽٻوهي جي ڍنڍ چون ٿا .